Александр Шитков - Город Старица и местночтимая подвижница Пелагия

• Название: Город Старица и местночтимая подвижница Пелагия
• Автор: Александр Шитков
• Издательство: Старицкая типография
• Жанр: Биографии и Мемуары
• Год: 2005

Шитков Александр Владимирович. Город Старица и местно-чтимая подвижница Пелагия. Под редакцией и предисловием д.и.н. А.К. Станюковича. Старица. 2005. С.

Книга посвящена многовековой истории города Старицы и Успенскому монастырю, в котором воспитывались святой Герман, первосвятитель Иов и преподобный Дионисий. Но главное в данной работе — поиски документальных свидетельств о гробнице местно-чтимой подвижницы веры и благочестия схимонахини Пелагии, приходившей, как выяснилось позже, матерью первого Патриарха Московского и всея Руси Иову. Более 80 лет ее могила, как и всё внутреннее пространство городского Вознесенского храма, оказались засыпанными толстым слоем мусора. И только благодаря патриотам и меценатам инициативной группы, которую возглавил Н. П. Будаков, была восстановлена едва не прерванная духовная связь веков и поколений. Теперь мощи местночтимой схимонахини Пелагии находятся на территории старицкого Успенского монастыря.

Книга рассчитана на историков, краеведов, и всех интересующихся отечественной историей.

Рецензенты: Преосвященный Феофилакт (Моисеев),

Епископ Брянский и Севский,

Член-корреспондент РАН, профессор Я.Н. Щапов

---

Весть же Бог, в колико рыдание и слезы впадох, отнеле ж взыде на мя сан святительства, ово немощи ради своея, понеж не имущу ми довола духовнаго, ино ж о бедах человеческих паствы моея много болезновах и лютыми напастьми погружаем бых. Еще ж к сим в многи скорби и в печали впадох о преставлении о Святем Дусе сына моего, благовернаго и благороднаго христолюбового царя и великого князя Феодора Ивановича, государя и самодержца всеа Русии. И всяко вещем сопротивное нападе на мя: озлобление и клеветы, укоризны, рыдания ж и слезы — сия убо вся мене смиренаго достигоша.

Паки ж премудраго содетеля, благаго и преблагаго промысленика, человеколюбца Бога Господа нашего Исуса Христа и пречистыя Богородицы молением, и великих чюдотворцев Петра, и Алексея, и Ионы, и всех святых молитвами ко всещедрому и всесильному в Троицы славивому Богу, паче же чюдотворных и многочюдесных икон подвигом, повелением и благословением сестры его, благочестивые великия государыни царицы и великия княгини иноки Александры (в миру царицы Ирины Федоровны, урожденной Годуновой), изранием же и молением нашего смирения, и всего освященнаго собора, и многочисленнаго православия всенароднаго множества великого Росийского государства, взыде на превысочайший царский престол премудрый храбрый великий государь царь и великий князь Борис Феодорович всеа Русии и венчася царским венцем и святыми бармами от нашего смирения и всего освященнаго собора. Сего ради от печали свободу приях, и порадовахся вельми о нем, государе, и во благоден-СВ°ии пребывах, понеже бо зело всячески меня преупокои во вся дни живота моего.

Егда же бех на Коломенской епископьи, и на Ростовской архиепис-копьи тако же и в митрополитех, и на патриаршеском степени, яко не могу по достоянию изрещи превеликия его царския милости к себе, смиренному, но за еже ко мне благодения и великого его царского милосердия Христос, великий дарователь, воздаст ему праведную свою мзду в нынешний век и в будущий!

Преходящим же летом и да… (в подлиннике пропуск для заполнения количества лет) лет возраста моего доспевшу, паки постиже мя старость, впадох в частныя разлияныя телесныя болезни, ими же и ныне содержим есть, человеколюбие от Бога наказуем, ничто ж ми ино возвещаще, разве смерть и Страшный суд владыки моего Христа Бога.

Первое убо сам исповедую Богом преданую апостольскую и отеческую веру православия истинного благочестия, еже во святую Троицу, и елико святая Церковь священная догматы прияла от Бога, и от святых апостол, и от святых божественных отец вселенских седми соборов и поместных святых отец и особ сущих, любезне из глубины сердца многою верою приемлю и почитаю, яко же исповеданием моим написано — то и предах святей божественней Церкви, внегда вначале рукополагахся преосвященным Дионисием митрополитом и всем освященным собором на Коломенскую епископию, також и на Ростовскую архиепископью, потом же и на великий престол Руския митрополия рукоположением от сущих ту архиепископов и епископов, таже и на превысочайшую степень патриаршества святейшим Вселенским патриархом Констянтинопольким кир Иеремием и освященным собором Росийского скифетродержания и Греческаго. 1акоже и всех молю, наказую, яко присная ми чада, вся священная и апостольская и отечесткая предания цела и неподвижима во веки соблюдати.

Да елицы сих от жития сего отъидоша и елицы еще живи суще, всем подаю о Христе любезное целование и конечное прощение, и сам от нихтакожде от всех вкупе прощения прошу. И всем святейшим всселенским патриархом прежде представльшимся и еще живым сущим даю мир, и любовь, и прошение, и сам от них такожде благословения и прощения желаю получити.

Господину и о Святем дусе брату моему святейшему Вселенскому Патриарху Константинопольскому преставльшемуся кир Иеремею Мир и любовь, и прощение, и сам от него такоже благословения прощения прошу.

Православным царем, и царицам, и чадом их преставльшимся и живым сущим даю мир, и благословение, и прощение, и сам от них такоже прощение желаю получити.

Благоверным великим князем, и великим княгиням, и их благородным чадом всеа Русии представльшимся подаю мир, и благословение, и прощение, и сам от них такоже прощение желаю получити.

Благоверному и христолюбивому преставльшемуся царю великому князю Ивану Васильевичю всеа Русии, во иноцех Ионе, даю благословение и прощение, такоже и сам от него прошу прощения.

Благоверному и христолюбивому о Святем Дусе сыну моему преставльшемуся царю великому князю Феодору Ивановичю всеа Русии даю благословение и прощение, також и сам от него желаю прощение получити.

Благоверному царевичю князю Ивану Ивановичю преже почившему даю мир, и благословение, и прощение, и сам от него також прощения прошу прияти.

Благоверной государыне царевне и великой княжне Феодосье преставльшейся подаю мир, и благословение, и прощение, такоже и сам от нея желаю прощения получити.

Преставльшимся государю Феодору Ивановичю и его благоверной супруге Стефаниде, во иноцех Сундулее, иже израстивши нам прекрасный плод благочестия, Богом венчаннаго царя нашего, подаю мир, и благословения, и прощение, такоже и сам от них прощения желаю получити.

Благоверной христолюбивой государыни царице и великой княгине иноке Александре Феодоровне всеа Русии мир, и благословение, и конечное прощение, також и сам от нея благословение и прощение прошу.

Богом избранному, благоверному и христолюбивому и святым елеом помазанному о Святем Дусе, присно возлюбленному ми сыну и государю, Богом венчанному царю и великому князю Борису Феодоровичю всеа Русии самодержцу подаю мир, и благословение, и конечное прощение, и сам от него того же прошу прощения получити.

Благоверной и христолюбивой государыне царице и великой княгине Марие подаю мир, и благословение, и конечное прощение, и от нея також прощение желаю получити.

Государю благоверному и христолюбивому царевичю князю Федору Борисовичю всеа Русии даю мир, и благословение, и конечное прощение, и сам от него також желаю прощение получити.

Христолюбивой государыне царевне и великой княжне Ксение Борисовне подаю мир, и благословение, и конечное прощение, и от нея желаю також прощение получити.

И кому послит Бог быти по нас брату нашему первопрестольнику К ысочайшем степени Росийскаго патриаршества, оставляю мир и благословение, и прощение, також и сам от него прощение прошу прияти.

Преосвященным митрополитом, и архиепископом, и епископом, под приделом нашего патриаршества прежде почившим, и в наши лета преставльшимся, и ныне еще живым сущим, и елико по нас поставлены будут, подаю о Христе мир, и благословение, и конечное прощение, також и сам от них желаю благословения и прощения получити.

Також и всем повсюду православным митрополитом, и архиепископом, и епископом, и всему священническому чину и иноческому оставляю мир и благословение и от них такоже прошу прощения пряти.

Такоже и всем боляром, и вельможам, и дворяном, и всему христолюбивому воинству, и всем православным христианом, и с их женами и з детьми — оставляю мир, и благословение, и прощение, и сам от них також от всех прошу прощение прияти.

И аще кого будет есмь запретил вниманием или невниманием, а кто будет разрешения от мене не поискал забвением, или простотою, или за оскудение ума — и тех всех о Святем Дусе имею разрешены и прощены во всех летех моих, отнележ поставлен был на степень святительства.

И аще кто будет на мя в чем позазрел, или пороптал явно, или втайне изрекл — митрополит, или архиепископ, или епископ и от всякого священническаго и иноческаго чину, и от вельмож, и от всех мирских человек, мужей и жен — елицы исповедаша ми и прощение пояша — да будут прощени и благословени в сий век и в будущий.

Аще ж кто стыдением, или небрежением, или забвением, за оскудения ума своего ни во что ж вместиша сия, или опасением, бояся мене, не исповедаша ми, или уже умерше, или еще живи суще — тем всем даю благословение и прощение, понеже сие мое есть и моя область, данное ми от Пресвятого и животворящаго Духа, еже разре-шати их и прощати; и от них такоже прошу прощение получити.

Тем же убо всех разрешаю, и благословляю, и прощаю.

А которых есмь священников и дьяконов по правилам святых постол и святых отец по великим каноном от священства возбранил их достоинство — и тех прощаю, а священствовати отнюдь не повеваю и не благословляю, понеже сие не моея власти есть, еже их Разрешати ко священству.

Елицы ж по Христову евангельскому словеси сотвориша, же рече Господь: «Слушай вас, мене слушает, и приемлей вас, мене приемлет; приемляй пророка во имя пророче, мзду пророчю приемлет; приемляй праведника во имя правиднича, мзду праведничю приемлет», — и сицево сотвориша, и возлюбиша, и почтиша нас, Господа ради и Евангелия, егда бехом во епископех, и во архиепископех, такоже и митрополитех и на великом степени патриаршества — буди на тех милость Божия, и пречистыя Богородицы, и великих чюдотворцев Петра, и Алексея, и Ионы, и всех святых, такоже и нашего смирения благословения, да воздаст им Господь Бог праведную свою мзду в сий век и в будущий: се уже предаю многогрешную свою душу в щедроты человека любия Божия.