Елена Тростникова - Краткий православный молитвослов с пояснениями

• Название: Краткий православный молитвослов с пояснениями
• Автор: Елена Тростникова
• Жанр: Религия
• Год: 2013
• ISBN: 978-5-88017-147-7

Книга, содержащая все главные православные молитвы, рассчитана прежде всего на читателей, еще не знакомых со строем церковной жизни и кругом вероучительных понятий. В ней разъясняются не только непонятные слова молитв, но и их назначение и смысл, раскрываются основы учения Церкви.

---

Тропари[20] Троичные[21]

Воста́вше от сна, припа́даем Ти[22], Бла́же[23], и а́нгельскую песнь вопие́м Ти, Си́льне: Свят, Свят, Свят еси́, Бо́же, Богоро́дицею поми́луй нас.

Сла́ва Отцу́ и Сы́ну и Свято́му Ду́ху.

От одра́[24] и сна воздви́гл мя еси́[25], Го́споди, ум мой просвети́ и се́рдце, и устне́ мои́ отве́рзи[26], во е́же пе́ти Тя[27], Свята́я Тро́ице: Свят, Свят, Свят еси́, Бо́же, Богоро́дицею поми́луй нас.

И ны́не и при́сно и во ве́ки веко́в. Ами́нь.

Внеза́пно Судия́ прии́дет, и коего́ждо[28] дея́ния обнажа́тся, но стра́хом[29] зове́м[30] в полу́нощи: Свят, Свят, Свят еси́, Бо́же, Богоро́дицею поми́луй нас.

Каждая из кратких песен-тропарей завершается троекратным славословием Пресвятой Троице и призывом о помиловании по молитвам Пресвятой Богородицы.

Го́споди, поми́луй. (12 раз.)

Молитва ко Пресвятой Троице

От сна воста́в, благодарю́ Тя, Свята́я Тро́ице, я́ко мно́гия ра́ди Твоея́ бла́гости[31] и долготе́рпения не прогне́вался еси́ на мя, лени́ваго и гре́шнаго, ниже́ погуби́л мя еси́[32] со беззако́ньми мои́ми; но человеколю́бствовал еси́ обычно[33] и в неча́янии[34] лежа́щаго воздви́гл мя еси́, во е́же[35] у́треневати[36] и славосло́вити держа́ву[37] Твою́. И ны́не просвети́ мои́ о́чи мы́сленныя[38], отве́рзи[39] моя́ уста́ поуча́тися словесе́м Твои́м[40], и разуме́ти за́поведи Твоя́, и твори́ти во́лю Твою́, и пе́ти Тя во испове́дании[41] серде́чнем, и воспева́ти всесвято́е и́мя Твое́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Прииди́те, поклони́мся Царе́ви[42] на́шему Бо́гу. (Поклон.)

Прииди́те, поклони́мся и припаде́м[43] Христу́, Царе́ви на́шему Бо́гу. (Поклон.)

Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон.)

В этой молитве мы призываем все свои душевные и телесные силы (а при храмовой или общей молитве – приглашаем и других верующих) поклониться Иисусу Христу – Царю нашему и Богу. Этой молитвой обычно предваряется чтение псалмов: наше обращение к псалмам – это предстояние Самому Господу Иисусу Христу.

Псалом 50-й

Поми́луй мя, Бо́же, по вели́цей ми́лости Твое́й, и по мно́жеству щедро́т[44] Твои́х очи́сти беззако́ние мое́. Наипа́че[45] омы́й мя от беззако́ния моего́, и от греха́ моего́ очи́сти мя; я́ко[46] беззако́ние мое́ аз зна́ю, и грех мой предо мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х; я́ко да оправди́шися во словесе́х Твои́х, и победи́ши внегда́ суди́ти Ти[47]. Се́ бо[48], в беззако́ниих зача́т есмь, и во гресе́х[49] роди́ мя ма́ти моя́. Се́ бо, и́стину возлюбил еси́; безве́стная и та́йная прему́дрости Твоея́ яви́л ми еси́[50]. Окропи́ши мя иссо́пом[51], и очи́щуся; омы́еши мя, и па́че сне́га убелю́ся. Слу́ху моему́ да́си[52] ра́дость и весе́лие; возра́дуются ко́сти смире́нныя[53]. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди[54] во мне, Бо́же, и дух прав обнови́ во утро́бе[55] мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́[56] мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, да́л бых у́бо: всесожже́ния[57] не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на[58], и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

Этот псалом составлен пророком Давидом, когда он каялся в великом грехе – в том, что погубил благочестивого Урию, чтобы завладеть его женой Вирсавией (2-я книга Царств, 11–12). Псалом выражает глубокое сокрушение о содеянном грехе и усердную молитву о помиловании и указывает всем людям спасительный путь покаяния.

Святой праведный Иоанн Кронштадтский учил: «Если согрешишь в чем пред Богом, а мы грешим премного каждый день, тотчас же говори в сердце своем, со смиренным сознанием и чувством своих грехов, псалом Помилуй мя, Боже, по велицей милости Твоей, и прочитай сердечно весь псалом; если не подействовал он один раз, сделай другой прием, только прочитай еще сердечнее, еще чувствительнее, и тогда тебе немедленно воссияет от Господа спасение и мир в душе твоей. Так всегда сокрушайся: это верное, испытанное средство против грехов».

Символ веры

1. Ве́рую во еди́наго[59] Бо́га Отца́, Вседержи́теля, Творца́ Не́бу и земли́, ви́димым же всем и неви́димым[60]. 2. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша[61]. 3. Нас ра́ди челове́к и на́шего ра́ди спасе́ния сше́дшаго с Небе́с, и воплоти́вшагося от Ду́ха Свя́та и Мари́и Де́вы, и вочелове́чшася. 4. Распя́таго же за ны́[62] при Понти́йстем Пила́те, и страда́вша, и погребе́нна. 5. И воскре́сшаго в тре́тий день по Писа́нием. 6. И возше́дшаго на Небеса́, и седя́ща одесну́ю[63] Отца́. 7. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. 8. И в Ду́ха Свята́го, Го́спода, Животворя́щаго, И́же от Отца́ исходя́щаго[64], И́же со Отце́м и Сы́ном спокланя́ема и ссла́вима[65], глаго́лавшаго проро́ки[66]. 9. Во еди́ну Святу́ю, Собо́рную и Апо́стольскую Це́рковь. 10. Испове́дую еди́но креще́ние во оставле́ние грехо́в. 11. Ча́ю[67] воскресе́ния ме́ртвых, 12. и жи́зни бу́дущаго ве́ка. Ами́нь.

Символ веры – исповедание (открытое провозглашение) самых основ того, во что верят православные христиане. Объяснение этих важнейших истин – на с. 85–90.

Молитва святого Макария Великого

К Тебе́, Влады́ко Человеколю́бче, от сна воста́в прибега́ю[68], и на дела́ Твоя́ подвиза́юся милосе́рдием Твои́м[69], и молю́ся Тебе́: помози́ ми на вся́кое вре́мя, во вся́кой ве́щи[70], и изба́ви мя от вся́кия мирски́я злы́я ве́щи и диа́вольскаго поспеше́ния[71], и спаси́ мя, и введи́ в Ца́рство Твое́ ве́чное. Ты́ бо еси́ мой Сотвори́тель и вся́кому бла́гу Промы́сленник[72] и Пода́тель, о Тебе́ же все упова́ние мое́[73], и Тебе́ сла́ву возсыла́ю, ны́не и при́сно и во ве́ки веко́в. Ами́нь.

Молитва иная, того же святого

Го́споди, И́же мно́гою Твое́ю бла́гостию и вели́кими щедро́тами Твои́ми дал еси́ мне, рабу́ Твоему́, мимоше́дшее вре́мя но́щи сея́ без напа́сти[74] прейти́ от вся́каго зла проти́вна[75]; Ты Сам, Влады́ко, вся́ческих Тво́рче[76], сподо́би мя и́стинным Твои́м све́том и просвеще́нным се́рдцем твори́ти во́лю Твою́, ны́не и при́сно и во ве́ки веко́в. Ами́нь.

Молитва к Ангелу хранителю

Святы́й А́нгеле, предстоя́й[77] окая́нней[78] мое́й души́ и стра́стней[79] мое́й жи́зни, не оста́ви мене́ гре́шнаго, ниже́[80] отступи́ от мене́ за невоздержа́ние мое́. Не даждь ме́ста лука́вому[81] де́мону облада́ти мно́ю, наси́льством сме́ртнаго сего́ телесе́; укрепи́ бе́дствующую и худу́ю мою́ ру́ку и наста́ви мя на путь спасе́ния[82]. Ей[83], святы́й А́нгеле Бо́жий, храни́телю и покрови́телю окая́нныя моея́ души́ и те́ла, вся мне прости́, ели́кими тя оскорби́х[84] во вся дни живота́ моего́, и а́ще что согреши́х в преше́дшую нощь сию́, покры́й мя[85] в настоя́щий день, и сохрани́ мя от вся́каго искуше́ния проти́внаго[86], да ни в ко́ем гресе́ прогне́ваю Бо́га, и моли́ся за мя ко Го́споду, да утверди́т мя в стра́се[87] Свое́м, и досто́йна пока́жет мя раба́ Своея́ бла́гости[88]. Ами́нь.

Каждому христианину при Крещении Бог дает Ангела хранителя, который невидимо оберегает его от всякого зла, помогает делать добро и молится за него перед Богом. Ангел хранитель – небесный друг души; он не может преступить свободу человека, насильно вмешиваться в нашу жизнь, но когда мы расположены к добру и тянемся к Богу, мы чувствуем помощь своего Ангела. Тяжелые грехи отдаляют человека от Ангела хранителя.

Молитва ко Пресвятой Богородице

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми отжени́[89] от мене́, смире́ннаго[90] и окая́ннаго[91] раба́ Твоего́, уны́ние, забве́ние, неразу́мие, нераде́ние, и вся скве́рная, лука́вая и ху́льная помышле́ния от окая́ннаго моего́ се́рдца и от помраче́ннаго ума́ моего́; и погаси́ пла́мень страсте́й мои́х, я́ко нищ есмь и окая́нен. И изба́ви мя от мно́гих и лю́тых воспомина́ний и предприя́тий[92], и от всех действ злых свободи́ мя. Я́ко благослове́нна еси́ от всех родо́в, и сла́вится пречестно́е и́мя Твое́ во ве́ки веко́в. Ами́нь.