Татьяна Дешина - Спаси и сохрани. Молитвы на каждый день

• Название: Спаси и сохрани. Молитвы на каждый день
• Автор: Татьяна Дешина
• Жанр: Религия
• Год: 2011
• ISBN: 978-5-386-02656-1

Особенностью настоящего издания является не только широкий подбор молитв на все случаи жизни, но и рассказ о том, почему с той или иной просьбой обращаются к определенным святым или иконам. В конце книги приведен словарь церковных терминов, необходимый человеку, только вступающему на путь воцерковления. А из предисловия любой желающий сможет узнать об основных молитвенных правилах.

Будьте здоровы и счастливы, и да пребудет с вами Господь!

---

Преподобне отче Иоанне! Воззри на нас милостивно и к земли приверженных возведи к высоте Небесней. Ты горе на Небеси, мы на земли низу, удалены от тебе, не толико местом, елико грехми своими и беззаконьми, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа. Ныне и присно и во веки веков. Аминь.

Молитва при горячке, жаре и лихорадке, обращенная к первоверховному апостолу Петру

Апостол Петр был братом Андрея Первозванного, который и привел его к Христу. Во время своего служения Петр всегда выказывал особую преданность, за что и был приближен к Господу вместе с апостолами Иаковом и Иоанном Богословом. За свои же решительность и непоколебимость апостол, который раньше звался Симоном, был удостоен прозвания Петр (камень). После смерти Христа он трижды отрекся от Него, но после Воскресения Господа он так искренне раскаивался и плакал, что снова был возведен в апостольское достоинство. Согласно книге Деяния апостолов, духовная сила апостола Петра была так велика, что исцеляла даже его тень, лишь только падая на больных.

О, святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих, в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, проливати слезы покаяния, да плачем горько о деяниих наших в веце сем. И аще твоя слезы, в покаянии излиянныя, милостию Своею покры Господь и Учитель твой, испроси и нам, со дерзновением апостольским, прощения во гресе ежечаснаго, от Христа отреченныя злыми помыслы и делы нашими. Да тихое и безмолвное житие поживем в веце сем до часа, в оньже имать призвати нас века Господь, наш Судия нелицеприятный. Ты же, о всехвальный апостоле, не отвержи вопля нашего и стенаний к тебе, но заступи нас пред Христом, твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.

Молитва при женских болезнях, обращенная к священномученику Ипатию Гангрскому

Священномученик Ипатий был епископом города Гангры, находившегося на территории Малой Азии. Однажды, когда святой возвращался из Константинополя в родной город, на него напали еретики. Они изранили святого ножами и копьями и сбросили с обрыва, но мученик все еще был жив и, невзирая на страшные мучения, молился за спасение своих убийц. Тогда одна женщина подошла к несчастному и ударила его камнем по голове, после чего Ипатий предал свою душу Господу.

Трисолнечного Света светозарная звездо, вводящая в мир Трисолнечный Свет апостольскими твоими, богоевангельскаго проповедания священноучении, священномучениче, иерарше Христов, богоблаженне Ипатие. Ты приял еси от Святые Троицы равноапостольную благодать, серафимскую в горечестии к Богу любовь, яко же верховнейший апостолов Петр, и херувимскую многоочитую во учении премудрость, яко же вторый Павел. Просветивый премудрым твоим благочестия учением тьмочисленныя народы, присноусердно подражая всемирнаго Учителя, Господа Бога и Спаса нашего Иисуса Христа. Его же ради всесмиренно молю богоподражательное отеческое твое благоутробие: призри милостивно богосветлыми очима твоима на сущее недостоинство мое, яко всечадолюбивый по Бозе отец, и присноусердный нашего спасения наставниче, и всех в горних правонеизменный строитель, адамантная Православию стена и пресветлый столп, вводящий второноваго Израиля во всепросветлейший горний Сион. Потщися вскоре помоществовати на бранех воинству нашему. Проси же присно у Святыя Троицы всем православным христианом мира и тишины, душевного спасения и многолетнего в телеси здравия, воздуха благорастворения, земли благоплодия, неплодствующим благочадия, и в законе Господнем воспитания, и всех благих умножения. А после жития коемуждо жизни сея сподоби святыми твоими молитвами улучити христианскую кончину благу, непостыдну и мирну, со всепреподобнейшим исповеданием и со причастием Святых Бессмертных Небесных и Животворящих Христовых Тайн, и с молитвомаслием безпрепятное воздушных мытарств прошествие, наследие со святыми всерадостныя присносущныя жизни, в ней же купно со ангельскими чинми непрестанныя хвалы вознесем Отцу со Единородным Его Сыном и с Пресвятым, Благим и Животворящим Его Духом, и тебе великое твое отеческое милостивое заступление. Ныне и присно и во веки веков. Аминь.

Молитва при бессоннице, обращенная к семи отрокам, иже во Ефесе

Семь отроков Ефесских (Максимилиан, Иамвлих, Мартиниан, Иоанн, Дионисий, Ексакустодиан и Антонин) жили во времена жестокого гонителя христиан, императора Декия. Отказавшись принести жертву языческим богам, отроки удалились в пещеру, где вели подвижническую жизнь. Император, узнав, где обретаются отроки, велел замуровать вход в пещеру. Среди солдат, пришедших исполнять приказ Декия, было два чиновника – тайных христианина. Они, желая прославить духовный подвиг отроков в веках, положили между камнями две глиняные таблички: на них были записаны дата, в которую свершилось злодеяние, и имена отроков. Господь же наслал на отроков чудесный сон, и они не знали, что делается за пределами пещеры. Проспали они почти двести лет. За это время гонения на христиан прекратились. И вот один местный житель решил расширить свои хозяйственные постройки и с этой целью велел разобрать груду камней, скрывавших вход в пещеру. В ту же минуты отроки пробудились.

О, пречуднии святии седмочисленнии отроцы, Ефеса града похвало и всея Вселенныя упование! Воззрите с высоты Небесныя Славы на нас, любовию память вашу чтущих, наипаче же на младенцы христианския, вашему заступлению родителей своих препорученныя; низведите на ны благословение Христа Бога, рекшего: оставите детей и приходити ко Мне. Болящия убо в них исцелите, скорбящия утешите, сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати; и всех нас, святей иконе вашей предстоящих и тепле вам молящихся, сподобите Царствие Небесное улучити и немолчными гласы радования тамо прославляти Великолепое имя Пресвятыя Троицы, Отца и Сына и Святаго Духа, во веки веков. Аминь.

Молитва при параличе, обращенная к преподобному Иакову, игумену Железноборовскому

Преподобный Иаков поселился в глухом лесу, окружавшем железные рудники. Место это называлось Железный Борок. Уже при жизни он прославился чудесами и своей святой жизнью. Так, однажды жена князя Василия Дмитриевича, София Витовтовна, тяжело заболела перед родами. Обеспокоенный князь обратился к святому с просьбой помолиться о здравии жены. Святой с участием отнесся к князю и предсказал скорое рождение сына, которого нарекут Василием. Стоит ли говорить, что предсказание святого сбылось и княгиня, вскоре поправившись, благополучно разрешилась от бремени.

Преподобне и богоносне отче наш Иакове! Приими ныне нас, тебе усердно молящихся и припадающих ко всечестному и многоцелебному твоему гробу, идеже святое и многотрудное покоится тело. Духом же на Небесех предстоя Святей Троице со ангелы и преподобных отцев лики, молися о нас, чадех твоих, отче, да избавимся от всяких скорбей, болезней, бед и обстояний, и благочестно поживем в настоящем житии, ходяще в заповедех и оправданиих Господних безпорочно, и да явимся последователи святому и равноангельскому житию твоему. Ей, преподобне отче, молим тя, испроси намже и всем, с верою к тебе притекающим, грехов прощение, телесем здравие, исправление жития и вечное спасение, яко да твоим предстательством спасеннии, славу возсылати сподобимся в Троице славимому Богу, Отцу и Сыну и Святому Духу. Ныне и присно и во веки веков. Аминь.