Ирина Пигулевская - Архиепископ Мир Ликийских Николай Чудотворец. Великий божий угодник, спаситель и заступник

• Название: Архиепископ Мир Ликийских Николай Чудотворец. Великий божий угодник, спаситель и заступник
• Автор: Ирина Пигулевская
• Жанр: Религиоведение
• Год: 2016
• ISBN: 978-5-227-06473-8

Святой Николай – один из наиболее почитаемых и любимых святых на Руси. В народных преданиях он считается первым после Бога и Богоматери… С древнейших времен святитель Николай Чудотворец почитался на Руси как небесный покровитель верховной власти. Мало кто знает, что именно Николай Чудотворец, творящий чудеса, щедро дарящий милостыню, скорый помощник в бедах и несчастьях тем, кто горячо молился ему о помощи, воистину народный святой, является прототипом всеми любимого, доброго и долгожданного Деда Мороза! Еще при жизни этот великий святой прославился как защитник осужденных невинно, примиритель враждующих и избавитель от напрасной смерти. Обращаются за помощью к святителю Николаю в самых разных случаях: он считается покровителем мореплавателей и путешествующих; ему молятся о благополучном замужестве дочерей; молятся святителю об избавлении от голода… Нет ничего невозможного для этого святого! Каждый, кто обладает истинной верой и молит о Чуде, будет услышан и окормлён им, главное, чтобы вера была крепкой, а помыслы чистыми.

---

Песнь 3-я

Ирмос: Процвела есть пустыня яко крин, Господи, языческая неплодящая церковь, пришествием Твоим, в нейже утвердися мое сердце.

Николае блаженне, Владыки искренний ученик ты быв, спасаеши к тебе притекающия от лютых бед и смерти горькия.

Слава Отцу и Сыну и Святому Духу. Очисти рабы Твоя, грехов оставление яко Благ даруя, Николаа Твоего угодника, яже к Тебе ходатайствы, Многомилостиве.

И ныне и присно и во веки веков. Аминь. Утоли смущение души моея, Пречистая, и жизнь окорми, Всесвятая, Бога Рождшая, в Немже утвердися сердце мое.

И катавасия 1: Моли Бога о нас, святителю отче Николае, яко мы усердно к тебе прибегаем, скорому помощнику и молитвеннику о душах наших.

(Или иная катавасия: Избави от бед рабы своя, святителю Христов Николае, яко вси по Бозе к тебе прибегаем, к скорому помощнику и теплому заступнику, и молебнику ко Спасу о душах наших.)

Поем: Господи, помилуй. (трижды)

Седален, глас 4-й:

Возшед на высоту добродетелей, Божественными оттуду отче озарився сиянии чюдес, пресветел воистину явился еси мирови пастырь, нам в напастех сый престатель непобедимы, темже преславно врага победив, лжу отгнал еси и человеки спасл еси от смерти, Николае. Моли Христа Бога, грехов оставление даровати, чтущим любовию святую память твою.

Слава Отцу и Сыну и Святому Духу, и ныне и присно и во веки веков. Аминь.

Яко Деву и Едину в женах Тя без семене рождшую Бога плотию, вси ублажаем роди человечестии: огнь бо вселися в Тя Божества, и яко младенца доиши Зиждителя и Господа. Тем ангельский и человеческий род достойно славим Пресвятое Рожество Твое, и согласно вопием Ти: моли Христа Бога грехов оставление даровати, покланяющымся верою Пресвятому Рождеству Твоему.

Песнь 4-я

Ирмос: Пришел еси от Девы, не ходатай, ни ангел, но Сам, Господи, воплощься, и спасл еси всего мя человека, тем зову Ти: слава силе Твоей, Господи.

Приближився чисте зарям духовным, светоносец был еси, мира просвещая концы, всем предстательствуя, и вся спасая верою к тебе притекающия.

Избавляя от смерти, яко явился еси первее Николае, юноши преподобне: тако и ныне мя спаси от всякаго обстояния, и напастей и бед, всеблаженне.

Слава Отцу и Сыну и Святому Духу. Облистал еси добродетелей сияньми всеблаженне, подражатель всеизряднейший твоего Владыки быв, спасаеши же призываемь, благоговением и любовию тя славящия.

И ныне и присно и во веки веков. Аминь. Найде на Тя Владыка твари Воплощаемь, и спасая яко Благоутробен всего мя человека: темже вернии Богородицу Тя славим.

Песнь 5-я

Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим: иного бо разве Тебе Бога не знаю.

Боголепным житием, треблаженне, просвещаемь, осужденныя неправедным изречением умрети, представ, избавил еси, Владыце Христу зовущия: иного бо разве Тебе Бога не знаем.

Слава Отцу и Сыну и Святому Духу. На Небесех присносущную славу ныне зря, и неизглаголанныя и Божественныя зари светлейшими наслаждаяся сиянии, покрый мя предстательством твоим, преподобне, угодниче Христов всечестне.

И ныне и присно и во веки веков. Аминь. Да Твой взыщеши образ, погребенный страстьми, Спасе, небесных утаився сил, воплощься из Девы, явился еси Тебе зовущим: иного разве Тебе Бога не знаем.

Песнь 6-я

Ирмос: Молитву пролию ко Господу, и Тому возвещу печали моя, я ко зол душа моя исполнися, и живот мой аду приближися, и молюся яко Иона: от тли, Боже, возведи мя.

Смерти и тли яко спасл есть, Сам Ся издав смерти, тлением и смертию мое естество ято бывшее, Дево, моли Господа и Сына Твоего, врагов злодействия мя избавити.

Предстательницу Тя живота вем и хранительницу тверду, Дево, и напастей решащу молвы, и налоги бесов отгоняющу; и молюся всегда, от тли страстей моих избавити мя.

Слава Отцу и Сыну и Святому Духу. Яко стену прибежища стяжахом, и душ всесовершенное спасение, и пространство в скорбех, Отроковице, и просвещением Твоим присно радуемся: о, Владычице, и ныне нас от страстей и бед спаси.

И ныне и присно и во веки веков. Аминь. На одре ныне немощствуяй лежу, и несть исцеления плоти моей: но, Бога и Спаса миру и Избавителя недугов рождшая, Тебе молюся, Благой: от тли недуг возстави мя.

Песнь 6-я

Ирмос: В бездне греховней валяяся, неизследную милосердия Твоего призываю бездну, от тли, Боже, мя возведи.

Иже победы Николае, венец на твоем версе достойно положися: яко победитель убо изряднейший, тя призывающия спаси.

Слава Отцу и Сыну и Святому Духу. Умерщвленна мя, блаженне, прегрешеньми, и страстей треволненьми погружаема, явився спаси ко пристанищу Божественыя воли.

И ныне и присно и во веки веков. Аминь. На Тя надежды возложих Мати Приснодево, спасения моего, и Тя Предстательницу полагаю жизни, тверду же и непоколебиму.

Катавасия: Моли Бога о нас, святителю отче Николае, яко мы усердно к тебе прибегаем, скорому помощнику и молитвеннику о душах наших.

(Или иная: Избави от бед рабы своя, святителю Христов Николае, яко вси по Бозе к тебе прибегаем, к скорому помощнику и теплому заступнику, и молебнику ко Спасу о душах наших.)

Поем: Господи, помилуй. (трижды)

Слава Отцу и Сыну и Святому Духу, и ныне и присно и во веки веков. Аминь.

Кондак, глас 3-й

В Мирех святе священнодействователь показался еси, Христово бо преподобне Евангелие исполнив, положил еси душу твою о людех твоих, и спасл еси неповинныя от смерти. Сего ради освятился еси, яко великий таинник Божия благодати. Воспоим ныне святителя песньми, Мирским людем пастыря и учителя, да молитвами его просветимся: се бо явися чист весь, нетленен духом, Христу принося жертву непорочну, чисту, Богу благоприятну: яко святитель очищен и душею и телом, темже сый истинно Церкве предстатель и поборник Сея, яко великий таинник Божия благодати.

Песнь 7-я

Ирмос: Образу златому на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.

Острому искушению впадох, и люте пострекаемь, и ко вратом ада приближихся, скорбьми поражаемь, спаси мя молитвами твоими, блаженне, и возстави поюща: благословен еси Боже отец наших.

Слава Отцу и Сыну и Святому Духу. Незаходимаго света Невещественными лучами облистаемь, сущия во тьме скорбей озлобленныя исхити, и к просвещению веселия настави поющия: благословен еси Боже отец наших.

И ныне и присно и во веки веков. Аминь. Моли Христа, Сына Твоего и Бога, Дево Богородительнице, проданныя лютыми прегрешеньми и лестьми змииными, Кровию Его честною избавитися поющим: благословен еси Боже отец наших.

Песнь 8-я

Ирмос: В пещь огненну ко отроком еврейским снизшедшаго, и пламень в росу преложшаго Бога, пойте, дела, яко Господа, и превозносите во вся веки.

Яко благ и сострадателен, во глубине напастей люте содержимыя свободи, блаженне Николае, от содержащих лютых разрешение подая молитвами твоими, яже ко Спасу Христу, священнотаинниче.

Слава Отцу и Сыну и Святому Духу. Тайновождь сущих паче ума, святых служитель и Небесных сый богомудре, архиерей же верен, прегрешений оставление проси от Спаса нашего, священноявленне.

И ныне и присно и во веки веков. Аминь. Изнемогает мой ныне ум, во глубину впад безчестия, яко отвсюду различными объят есмь злыми: но Ты, Дево, исцели, безстрастия светом одевающи.

Песнь 9-я

Ирмос: Безначальна Родителя Сын, Бог и Господь, воплощься от Девы нам явися, помраченныя просветити, собрати расточенныя, Тем Всепетую Богородицу величаем.

Свещами благодати Богомудре просвещаемь, и светильник благочестия яве был еси, сущия в напастех спасаеши, и сущия во глубине морстей избавляеши, и питаеши алчущия преславно, всеблаженне.

Слава Отцу и Сыну и Святому Духу. Иже в раи сладости ныне водворяяся, и неизреченную славу ясно зря, от Небесных круг певцы твоя назираеши, от страстей избавляя, богоносе всеблаженне.

И ныне и присно и во веки веков. Аминь. Премудрость, и Силу, и Слово Ипостасное Отчее, Богомати Чистая родила еси, от Твоих Пречистых кровей Свой Храм Приим шую, и сему по соединению соединившуюся нераздельно.