Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

• Название: ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы
• Автор: Никон
• Жанр: Религия

---

Боярин же говорил Патриарху: Даешь де руку свою целовать всяким людем по церкви, и то де худо ты делаешь. И Патриарх говорил: Хто тебе про то велел (л. 961 об.) [3880] говорить, государь ли царь или ты сам о себе? И боярин сказал: Мне де велел государь говорить. И Патриарх: Да почто царь сам поповы руки целует, которые нами посвящены и ко благословению приходя, и сам главу свою преклоняет? Мы тому чюдимся. Про что царь архиереом, иереом нудит руки своя целовать? Не суть архиерей, ни иерей, аще и ему, государю, за премногую его гордость мнится священство менши царьства. Познает тогда различие царьства и свяшенства, егда познани будем от нелицемернаго судии Христа и Бога нашего.

Да боярин же князь Никита Адо(л. 962)евской [3881] с товарыщи говорил: Велел де тебе великий государь царь сказать, что хочет де тебя Иван Сытин зарезать. И Патриарх говорил: Царие от Бога поставляются на отмщение злодеем, а он, государь, ведая Ивана Сытина воровство, не точию не уймет, аще вам велел и сказать про ево воровство. Изволит государь кого ни попустит, то по его государеву такой потачке зделают. Толко Патриарх гроз тех не боится, по писаному: Не убойтеся, рече, от убивающих тело, души же не могущих убити. И прочее: Аще есть у тебя таковое повеление от царя, еже убити мя, убивай. (л. 962 об.) [3882] Се и место покажу ти, идеже нож или меч водрузити. И боярин молвил: Есть де у великаго государя на то таковския люди. Да Патриарх же бояром говорил: Бил челом государю много на мене, Патриарха, Иван Сытин ложно, будто землею его, Ивановою, завладел многою, будто я велел его, Ивана, убить, и будто человека его, Иванова, велел повесить, и людей его, Ивановых, патриарши крестьяня били и грабили по моему веленью, и будто мужика его, Иванова, велел силно из за него, Ивана, своим рожественским крестьяном. И государь (л. 963) [3883] присылал для того нарочно околничего своего Осипа Сукина да дьяка Василья Брехова и велел Патриарху говорить, чтоб я, Патриарх, во всем с Ываном Сытиным зделался и впредь от Ивана никакова бы на Патриарха челобитья не бывало. А будет я, Патриарх, не зделаюсь с Ываном Сытиным, и государь де укажет прислать два приказа стрелцов и велит зделку учинить по своему государеву указу. А как зделку делать укажет государь, того не сказал. И Патриарх говорил: Божий есмь и царя вашего не боюсь. Аще убити мя хощет, да убиет. Не мое (л. 963 об.) [3884] слово се, апостолско. Мне убо еже жити есть Христос, а умрети приобретение есть. Аще и не ныне умрем, умрем же всяко. Воспоминаю страсти Христа моего, якоже учит великий Златоуст, елика пострада нашего ради спасения Господь наш Иисус Христос [3885], и не содрогаюся. И самарянина того нарицаху, ови же беснующася, иже пророка, инии глаголаху, яко сей человек ядца и винопийца, друг мытарем и грешником, инии же о князя бесовстем изгонит бесы, инии же льстец, Он рече. Что же ли, егда ведоша Его низринути, о чюдесе, (л. 964) [3886] от ученика продана, связана, яко злодея того ведяху и на лице Его плеваху и заушение Ему даяху, тростию по главе бияху и хламидою поругания одеваху, и тернием Того венчаху, нага Того водяху, на крест со злодеи вменен бысть, желчи Того напояху, и припадаху на ругающеся, покивающе главами своими и всяк вид поругания Ему деяще. И не погребен, наг лежаше, и воскресение Его облыгаху, и лукавно нань глаголаху, яко ученицы Его украдоша. Аз же кто есмь, еже не послушати Господа своего, заповедавшаго не боятися от убивающих тело. Что ли Господу нашему (л. 964 об.) [3887] Иисусу Христу жидове не сотвориша и святым Его апостолом?

Таже Газской митрополит да архиепископ Астраханской говорили, полно де тебе служить. И Патриарх говорил: Не от вас приял благодать сию, не должен есмь всих и послушати вас, чрез правила святых мудрствующих. Повелеваем де и манатью тебе и клобук архиерейской не носити. И Патриарх говорил: З Господа нашего Иисуса Христа жидове обычную ризу совлекше и облекше Его в препряду поругания, и вместо царьска венца венцем терновым венчаша Его. И поругавшиеся погибоша. Господу же (л. 965) [3888] нашему Иисусу Христу вменяшеся в правду и бысть Царь вечный. Многим о Христе пострадавшим апостолом и священномучеником не точию риз подобных совлекше, но и кожи содраша, и телеса на уды содробиша, обаче сугубо священницы нарекошася от Бога и человек. И аще кто не возмет креста своего и вслед Мене не идет, несть Мене достоин. И пред владыки же и цари ведени будете, и аще от мира бысте были, мир убо свое любил бы. И паки рече: Поминайте слово Божие, еже Аз рех. Несть раб более Господа своего, аще Мене изгнаша и вас изжденут. И аще слово Мое соблюдут, (л. 965 об.) [3889] и ваше соблюдут, но сия вся творят вам за имя Мое.

Аз же Сытина Ивана ничим же не преобидех, ни его не велел убити, но он хощет мя убити, ни земли отнял у него, он отнял от возложеных Господеви, ни человека его велел повесить, сам человек его, убояся его Ивановых нестерпимых мук, повесился, ни людей его веле грабить, ни мужика его вывез, сам он, Иван, вклепался напрасно в нашего крестьянина из Старые Русы приписнаго Спасскаго монастыря. И государь тем моим словам не поверил и велел нарочно думному дворянину (л. 966) [3890] Ивану Баклановскому сыскать, и в сыску околничие люди никакова лиха про нас не сказали. А в Уложеной книге написано, глава 22 статья 13: А [3891] которые воры чинят в людях смуту и затевают на многих людей своим воровским умышлением затейныя дела, и таких воров за такое их воровство казнити смертию. А по государеву указу сыскано про Иваново воровство впрямь, что он поклепал всеми своими ложными челобитьи Патриарха. И государь никакова наказания не учинил, а в ыных статьях судных написано: Хто ково чем поклепает, и тому (л. 966 об.) [3892] тож сотворити. И государева указу такому вору не было, никакова наказания за такое великое его воровство. Да где есть слово Божие глаголаное [3893]: Да снабдят заповеди Господа Бога творити суд и правду чрез вся Божественыя законы. Государь царь изволил надо мною, смиренным, сам исцом быти по неправедным клеветником и ложным облогом и солгавшим ничто же сотвори за ложь их.

И того же дни ввечеру присылали бояре к Патриарху, чтоб прислать архимандрита и наместника и священников и дьяконов и братью для роспросу. И Патриарх сказал, что (л. 967) [3894] архимандрит человек священный и наместник священник. И по правилом священника менши 6 епископов нелзе испытать. А яже о нас творите испытание малыми людми, и то все люди беззаконные, мирским отнюдь епископов не судить, якоже правила святые возбраняют, а епископа всего зде два, и то един за его беззаконие ни за мирскаго человека достойно есть тако человека. Но елицы ему приобщаются вси по правилом, священныя извержены, а мирския отлучены да будут. И без нужди аще не повлечете архимарит и наместник и священники и дьяконы и братия не пойдут, но да збу(л. 967 об.)дется [3895] Писание глаголющее [3896]: Прежде же сих всех возложат на вы руки своя и ижденут, предающе на сонмища и темница ведоми ко царем и владыкам. И паки: Пред воеводы же и цари ведени будете. Да боярин же и власти говорили: Ты де нас не христианы, жидами называешь. И Патриарх: Аз в вас христианства ничего не знаю, ни вижу, кроме беззакония и мучителства, дела ваши свидетельствуют. И Господу свидетельствующу к жидом: Аще дел не бых сотворил, их же никто же сотвори, греха не быша имели. Тако и вы, никое зло сотворих вам, хоще(л. 968)те [3897] мя и риз подобных совлещи и сослати и в келье затворити беззаконно. Не вем, что вам зло сотворше.

И того же дни ввечеру розослали по монастырю стрелцов, якоже обычай есть мучителем имать архимандрита и наместника и братию и роспрашивали з болшим пристрастием, грозя пытками и ссылками далними. И июля в 19 день в неделю в обедню присылали в церковь стрелцов священников имать и прежде отпуста Литоргии мятеж в церкви во время моления на Евангелии учинили. А в Уложеной книге написано в первой главе (л. 968 об.) [3898] 3 статья: А будет кто во время святыя Литоргии и в ыное церковное пение, вшед в церковь Божию, учнет говорити непристойные речи Патриарху или митрополиту или архиепископу или епископу или архимандриту или игумену и священническому чину, и тем в церкви божественному пению учинит мятеж, а государю про то ведомо учинится и сыщется про то допряма, и тому безчиннику за ту его вину учинити торговая казнь.

Да в Обедню же в воскресение Христово детей боярских перехватали и в тюрмы за караулы крепкие посадили и никово не велели припускать.

(л. 969) [3899] Того же дни караул около всего монастыря поставили московских стрелцов и у патриарши кельи с мушкеты, с протазанами да з бердыши по тому чину, якоже жиды о Христе деяли.

Да Патриарх Никон, написав Газскому митрополиту от заповедей Божиих и святых апостол и святых отец от правил, что он неподобно делает чрез Божественыя законы, в чюжей епархии служит и правление церковное деет, царю угождая. А по правилом святым таковый извержен есть Святою Троицею, и он никакова ответу не дал.

Июля же в 21 день били в колокол (л. 969 об.) [3900] на послушание братии кирпич вынимать ис печей. И бояря присылали к Патриарху думного дьяка Алмаза да архимандрита Феодосия, а вшед в келью говорили: Не осуди де, что ко благословению не идем, ты де правишся тем, что мы ко благословению твоему ходим. И Патриарх говорил: Писано есть во псалмех: Не восхоте благословения да и удалится от него. И прочее, якоже писано есть там, да исполнится. И после того почал говорить: Слышили де мы, что ты хощешь к сараем ити кирпича носить, и тебе бы из монастыря не ходить, сидеть в келье. (л. 970) [3901] И Патриарх говорил: Аз не точию в келье сидеть, но и умрети готов. И с тех мест, как пойдет Патриарх к церкви или к каменному делу для досмотру, и за ним ходил десятник да десять человек стрелцов с ослопьем.